BREAKING NEWS

IPL

सूचना

'विदर्भ24न्यूज' मधील मजकूर आपण 'Vidarbha24News' च्या उल्लेखासह पुनर्मुद्रित केल्यास आम्हाला आनंदच वाटेल.

Tuesday, April 25, 2017

शेतकऱ्यांना मिळणार मोफत गाळ


मुंबई. ( विशेष प्रतिनिधी ) –


जलसंपदा विभागाच्या अखत्यारीत येणाऱ्या पाटबंधारे विकास महामंडळामार्फत मोठ्या धरणातील गाळ, गाळमिश्रित वाळू अथवा रेती काढण्यात येणार असून त्यामधून मिळणारा महसूल सिंचन प्रकल्पांच्या पुनर्स्थापनेच्या कामासाठी वापरण्याचा धोरणात्मक निर्णय आजच्या मंत्रिमंडळ बैठकीत घेण्यात आला. महसूल व वन विभागाने 9 सप्टेंबर 2014 रोजी काढलेल्या शासन निर्णयात या निर्णयाच्या अनुषंगाने धोरणात्मक बदल करण्यासही मान्यता देण्यात आली.

राज्यातील सर्वच प्रकल्पांमध्ये गाळ, गाळमिश्रित वाळू अथवा रेती काढण्याचे धोरण न राबविता प्रथम पाच मोठ्या प्रकल्पांची निवड करून या धोरणानुसार त्यातील गाळ काढण्यात येणार आहे. या प्रक्रियेचा अनुभव घेऊन राज्यातील उर्वरित प्रकल्पातील गाळमिश्रित वाळू अथवा रेती काढण्याबाबतचे धोरण निश्चित करण्यात येणार आहे. धरणातील गाळ व गाळयुक्त रेती काढण्याच्या बदल्यामध्ये कंत्राटदाराने उपसलेल्या गाळ मिश्रित रेतीमधून वाळू व रेती वेगळी करण्यात येणार आहे. त्यानंतर वाळू व रेतीच्या परिणामाएवढे स्वामित्व शुल्क महसूल विभागाकडे प्रचलित दराने भरून कंत्राटदारांना विकण्यास मान्यता देण्यात आली आहे. प्रायोगिक निवड केलेल्या पाचही प्रकल्पांतून गाळ व गाळ मिश्रित वाळू काढण्यासाठी एकाचवेळी प्रकल्पनिहाय ई-निविदा प्रक्रिया राबविली जाणार आहे. ई-निविदेची कार्यपद्धती, कंत्राटाच्या अटी, शर्ती व आवश्यक मार्गदर्शक सूचना शासन मान्यतेने पाटबंधारे विकास महामंडळ स्तरावरून निश्चित करण्यात येणार आहे. यासंदर्भातील निविदेचा कालावधी 15 वर्षांचा असेल. मात्र, शेतकऱ्यांना स्वत:च्या शेतात गाळ टाकण्यासाठी कोणतेही स्वामित्व शुल्क भरावे लागणार नाही. त्यांना केवळ स्वखर्चाने गाळाची वाहतूक करावी लागणार आहे. शेतकऱ्यांना गाळ मोफत मिळाल्यामुळे पडीक जमिनी सुपिक होण्यास मदत होईल. त्यातून शेतीच्या उत्पन्नात मोठ्या प्रमाणात वाढ शक्य होईल. या धोरणामुळे शासनावर कोणताही आर्थिक बोजा पडणार नाही. पाटबंधारे प्रकल्पात वर्षानुवर्षे साचलेला गाळ, गाळयुक्त रेती काढल्यामुळे पाणीसाठा व सिंचनक्षमता पुनर्स्थापित होणार आहे. तसेच या प्रक्रियेतून मिळणाऱ्या निधीमधून पाटबंधारे प्रकल्पांची दुरुस्ती करता येणार आहे.

1 मे महाराष्ट्र दिनी मुख्यमंत्री देवेंद्र फडणवीस ‘व्हिजन महाराष्ट्र 2025’ साठी विद्यार्थ्यांशी साधणार संवाद

मुंबई. ( शाहरुख मुलाणी ) – 
महाराष्ट्र दिन म्हणजे तो महत्वाचा दिवस जेव्हा महाराष्ट्र हे स्वतंत्र राज्य म्हणून अस्तित्वात आले. त्यामुळे सर्व महाराष्ट्रीयांसाठी हा अभिमानाचा दिवस. प्रेरणादायी भाषणे व अन्य समारंभांद्वारे हा दिवस साजरा केला जातो, यंदा यात आणखी एक भर पडणार आहे. या 1 मे रोजी मुख्यमंत्री देवेंद्र फडणवीस हे राज्यातील 5 हजार विद्यार्थ्यांशी तसेच काही तज्ञांशी संवाद साधतील आणि यासाठी निमित्त असेल ‘व्हिजन महाराष्ट्र 2025.’

मुख्यमंत्र्यांच्या पुढाकारातून साकारलेला कार्यक्रम ‘ट्रान्सफॉर्म महाराष्ट्र’ च्या समापन सोहळ्याच्या निमित्ताने हा भव्य कार्यक्रम पार पडणार आहे. ‘ट्रान्सफॉर्म महाराष्ट्र’ ही राज्यस्तरीय स्पर्धा घेण्यात आली ज्यात महाविद्यालयीन विद्यार्थ्यांकडून महाराष्ट्रातील 11 सामाजिक-आर्थिक समस्या जसे दुष्काळ, भ्रष्टाचार, गरिबी यांवर मात करण्यासाठी उपाय, कल्पना सुचवण्यास आवाहन करण्यात आले. या उपक्रमातून दुहेरी उद्दिष्टे साधण्याचे लक्ष्य होते- एक म्हणजे महाराष्ट्राच्या शाश्वत विकासासाठी विविध कल्पक उपाय सुचवणे आणि दुसरे म्हणजे शासकीय धोरणांमध्ये युवकांचा सक्रीय सहभाग वाढवणे. या स्पर्धेत राज्यभरातील 11,500 विद्यार्थ्यांकडून 2500 प्रवेश आले तसेच तब्बल 6 लाख विद्यार्थ्यांनी सहभाग नोंदवला. संबंधित तज्ञ व ऑनलाईन मतदान याद्वारे सर्वोत्तम उपाय निवडला गेला. ऑनलाईन मतदानात तब्बल 6 लाख जणांनी आपली मते नोंदवली. एप्रिलच्या सुरुवातीला निकाल जाहीर केले गेले. समापन सोहळ्यात विजेते आपल्या कल्पना मुख्यमंत्र्यांसमोर मांडतील. मुख्यमंत्री हे प्रभावी, उद्योगपती, संबंधित तज्ञ आणि 6000 विद्यार्थ्यांशी ‘व्हिजन महाराष्ट्र 2025’ बद्दल संवाद साधणार आहेत. हा कार्यक्रम रतन टाटा, मेजर जनरल अनुज माथुर, ओला कॅब्सचे संस्थापक भाविश अग्रवाल यांच्या उपस्थितीत पार पडेल. शिवाय बॉलीवूड मधील सुप्रसिद्ध गायक ‘के. के.’ यांच्या सादरीकरणाने ही हा सोहळा रंगणार आहे. राज्यातील काही विद्यार्थी जे या स्पर्धेत सामील होऊ शकले नाहीत त्यांचेही उपाय, कल्पना त्यांना सादर करण्याची संधी दिली जाईल. महाराष्ट्रासाठी सर्वात महत्वपूर्ण असलेल्या दिवशी महाराष्ट्राच्या विकासासाठी तरुणांशी, तज्ञांशी संवाद साधून विकासाचा अजेंडा अधोरेखित करण्याचा प्रयत्न मुख्यमंत्री करणार आहेत. सरकारची इच्छाशक्ती, तज्ञांचे मार्गदर्शन व तरुणांचा उत्साह पाहता उत्तम महाराष्ट्राचे स्वप्न लवकरच साकार होणार यात तिळमात्र शंका नाही. 

आ.श्री बच्चू कडू यांच्या गुजरात धडकेने शेतकऱ्यांचा प्रश्न राष्ट्रीय स्तरावर

मुंबई. ( शाहरुख मुलाणी )  

शेतकऱ्यांना कर्जमुक्ती मिळावी आणि स्वामिनाथन आयोग लागू यासह अनेक मागण्यांसाठी शेतकरी आसूड मोर्च्याच्या माध्यमातून अवघा महाराष्ट्र ढवळून काढत आमदार बच्चू कडू यांनी मोदींच्या गुजरातमध्ये धडक मारल्याने शेतकऱ्यांची कर्जमुक्ती आणि हमीभावाची मागणी आता राष्ट्रीय स्तरावर पोहोचला आहे.

कर्जबाजारीपणा आणि नापिकीपणामुळे देशभरात आत्महत्यासत्र सुरु असून आतापर्यंत साडेचार लाखाहून अधिक शेतकऱ्यांनी आत्महत्या केल्या आहेत. सत्तेवर येण्यापूर्वी मोदी आणि फडणवीस सरकारने हमीभावासाठी स्वामिनाथन आयोग लागू करण्याची दिलेली आश्वासने हवेतच विरली असून शेतकऱ्यांची घोर फसवणूक झाली आहे. अशा कुचकामी सरकारवर आणि त्यांच्या चुकीच्या धोरणांवर आसूड ओढण्यासाठी अपक्ष आमदार बच्चू कडू यांनी 11 एप्रिल ते 21 एप्रिल दरम्यान शेतकरी आसूड यात्रेची घोषणा केली होती. नागपूरपासून निघालेला हा मोर्चा महाराष्ट्रातील 20 जिल्हे ढवळून काढत गुजरातच्या सीमेपर्यंत धडकला. महाराष्ट्रातील प्रत्येक जिल्ह्यातून या मोर्च्याला शेतकऱ्यांचा प्रचंड प्रतिसाद मिळाला. जागोजागी हजारोंच्या सभा झाल्या. प्रत्येक ठिकाणी आमदार बच्चू कडू सरकारकडून होत असलेल्या लुटीची थेअरी मांडायचे. आणि संतप्त शेतकऱ्याचा कट्टरवाद सुरू होत होता. हजारोंच्या संख्येने शेतकरी आसूड योजनेत सहभागी होत होते. आणि शेकडो गाड्यांतून हजारो  शेतकऱ्यांचा निघालेला हा मोर्चा नवापूर चेकपोस्ट येथे गुजरात सीमेवर पोहोचला. मोर्च्यास परवानगी नाही आणि कायदा आणि सुव्यवस्थेचे कारण देत सुमारे 2 हजार गुजरात पोलिसांच्या उपस्थितीत अमानुष पध्दतीने हा मोर्चा अडवण्यात आला. संतप्त आमदार बच्चू कडू यांनी गुजरात सीमेवरच आंदोलन सुरु करत ठिय्या मांडला. शांततेचा मार्गाने वडनगर येथे रक्तदान करण्यासाठी निघालेली आसूड यात्रा अडवण्याचा तुम्हाला अधिकारच काय ? असा संतप्त सवाल करत जोपर्यंत मोर्च्यास परवानगी मिळत नाही तोपर्यंत आम्ही माघार घेणार नाही अशी भूमिका घेतली. दुपारी 3 च्या सुमारास गुजरात पोलिसांनी अमानवी पद्धतीने बच्चू कडू यांच्यासह सुमारे 800 शेतकऱ्यांना अटक करण्यात आली आणि रात्री उशीरा त्यांची मुक्तता करण्यात आली. दुसऱ्या दिवशी बच्चू कडू गुजरात पोलिसांना गुंगारा देत गुजरातमध्ये घुसले आणि मेहसानामध्ये रक्तदान करत "खून लो मगर जान मत लो" हा संदेश मोदी सरकारला दिला. लाखो आत्महत्या केलेल्या शेतकऱ्यांच्या बलिदानाची मोदी सरकारला आठवण करून देण्यासाठी काढलेला हा आसूड मोर्चा आणि शेतकऱ्यांचे प्रश्न खऱ्या अर्थाने राष्ट्रीय स्थरावर पोहोचला असून शेतकऱ्यांच्या कट्टरवादाने सरकारच्या छातीत धडकी भरली आहे.

राज्यातील सर्व खाजगी सुरक्षा रक्षकांची मंडळात नोंदणी घेणे आवश्यक - संभाजी पाटील-निलंगेकर

मुंबई -

राज्यातील खाजगी सुरक्षा रक्षकांची नोंदणी सुरक्षा रक्षक मंडळात होणे आवश्यक असून सर्व खाजगी सुरक्षारक्षकांनी सुरक्षा रक्षक मंडळात नोंदणी करावी, असे आवाहन आज कामगारमंत्री संभाजी पाटील निलंगेकर यांनी केले.
आज मंत्रालयात महाराष्ट्र राज्य सुरक्षा रक्षक सल्लागार समितीची आढावा बैठक आयोजित करण्यात आली होती. त्यावेळी ते बोलत होते. या प्रसंगी कामगार आयुक्त यशवंत केरुरे, सहआयुक्त (माथाडी) अनिल लाकसवार, कामगार उपसचिव वर्षा भरोसे, सदस्य शाहू शिंदे, व्यंकटगीर गिरी, सुरक्षा रक्षक मंडळाचे सदस्य संदीप घुगे, विशाल मोहिते आदि यावेळी उपस्थित होते.
श्री. निलंगेकर म्हणाले की,राज्यातील विविध सहकारी संस्थामध्ये सुरक्षा रक्षक आणि कामगारांना कामगार कायद्याच्या कक्षेत आणण्यात आले आहे. या अंतर्गत विविध लाभ प्राप्त करुन देण्यासाठी पूर्वी कामगार सुरक्षा रक्षकांना या कायद्याअंर्तगत लाभ प्राप्त होत नव्हता सदर लाभ प्राप्त करुन देण्यासाठी तसेच त्यांच्या कुटुंबियांचे जीवनमान उंचवण्यासाठी हा कामगार कायदा आता सुरक्षा रक्षकांनाही लागू करण्यात येणार आहे. त्यामुळेच सुरक्षा रक्षकांची नोंदणी संस्थांच्या कार्यकक्षेत आणली जाणार आहे.
आता राज्यातील अनेक हजारो सुरक्षा रक्षक कायद्याच्या संरक्षणापासून व लाभापासून वंचित आहेत अशा सुरक्षा रक्षकांना संरक्षण देण्यासाठी सुरक्षा रक्षक मंडळात नोंदणी करण्याबरोबरच त्यांचे बळकटीकरण करुन सुरक्षा रक्षकाची अंमलबजावणी यंत्रणा सक्षम करण्याचा प्रयत्न करण्यात येत आहे, असेही श्री.निलंगेकर पाटील यांनी सांगितले.
ज्या कारखान्यात व आस्थापनेत खाजगी संस्थेमार्फत सुरक्षा रक्षक नेमण्‍यात येत आहेत यांची नोंदणी करण्याकरिता लगतच्या दिवसात 60 दिवस व त्यापेक्षा जास्त दिवस काम केले आहे त्यांनी मंडळाकरिता नोंदणी अर्ज करावे जेणे करुन त्यांची नोंदणी होईल. अशी नोंदणी न करणाऱ्या सुरक्षा रक्षक मंडळांवर व आस्थापनेच्या मुख्य मालकावर कारवाई करण्यात येईल.
केंद्र शासन अधिनियम 2005 खाजगी सुरक्षा संस्थेच्या कायद्यातंर्गत सर्व सुरक्षा रक्षकांना खाजगी संस्थेची नोंदणी करणे आवश्यक आहे. असे न करणाऱ्या खाजगी सुरक्षा संस्थेविरुद्ध गृहविभागामार्फत कायदेशीर कारवाई करण्यात येणार आहे. लातुर, उस्मानाबाद, बीड या तीन जिल्हयातील सुरक्षा रक्षक महाराष्ट्र खाजगी सुरक्षा रक्षक (नोकरीचे नियमन व कल्याण) अधिनियम 1981 च्या तरतुदीनुसार या जिल्हयातील दुकाने आस्थापनेवरील सुरक्षा रक्षक कायदा लागु करुन व त्यांच्या करिता सुरक्षा रक्षक मंडळ गठीत करुन त्याचे मुख्यालय लातूर येथे ठेवण्याचे देखील महाराष्ट्र राज्य सुरक्षा मंडळ रक्षक प्रयत्न करीत आहे, असेही श्री.निलंगेकर यांनी यावेळी सांगितले.

मुख्यमंत्री सौर कृषी वाहिनी योजना आणणार - उर्जामंत्री श्री चंद्रशेखर बावनकुळे


• जिल्ह्यात 203 कोटी रूपयांची कामे पूर्ण, 197 कोटी रूपयांच्या कामांचे भूमीपुजन
• मोबाईल ॲपचा उपयोग करावा
• जिल्ह्यातील वीज वहन यंत्रणा सक्षम करणार
• महापारेषण व महावितरणच्या विविध कामांचे लोकार्पण व भूमीपुजन


बुलडाणा-


शेती क्षेत्रात तंत्रज्ञानाचा उपयोग करून शेतमालाचे उत्पादन वाढविण्यासाठी शासन सातत्याने प्रयत्न करीत आहे. शेतीला मुबलक पाणी व त्यासोबतच वीज देवून शेतीचे उत्पन्न शाश्वतरित्या वाढविता येते. राज्यात शेतकऱ्यांना पारंपारिक वीजेऐवजी सौर उर्जेसारख्या अपारंपारिक उर्जा स्त्रोतांमधून वीज देण्यावर शासन कार्य करीत आहे. त्यासाठी शासन 2 हजार शेतकऱ्यांना एका वीज वाहिनीवर आणून ही वाहिनी सौर उर्जेवर चालणाऱ्या फिडरला जोडण्यात येणार आहे. ही कामे राज्यात लवकरच आणण्यात येणाऱ्या मुख्यमंत्री सौर कृषि वाहिनी योजनेतंर्गत करण्यात येणार आहे, असे प्रतीपादन राज्याचे उर्जामंत्री चंद्रशेखर बावनकुळे यांनी आज केले.
महावितरणच्या बुलडाणा मंडळ कार्यालयाच्या विद्युत भवन आवारात महाराष्ट्र राज्य वीज वितरण कंपनीच्यावतीने 33 के.व्ही उपकेंद्र भूमीपुजन व लोकार्पण कार्यक्रमाचे आयोजन करण्यात आले होते. त्यावेळी ते बोलत होते. याप्रसंगी व्यासपीठावर वस्त्रोद्योग महामंडळाचे अध्यक्ष रविकांत तुपकर, आमदार सर्वश्री हर्षवर्धन सपकाळ, शशीकांत खेडेकर, आकाश फुंडकर, संजय रायमूलकर, महिला व बालकल्याण सभापती श्रीमती श्वेता महाले, माजी आमदार धृपदराव सावळे, कृउबासचे सभापती जालींधर बुधवत, महातविरणचे प्रादेशिक संचालक प्रसाद येरमे, मुख्य अभियंता अरविंद भादीकर, महापारेषणचे संचालक रविंद्र चव्हाण आदी उपस्थित होते.
जिल्ह्यात 203 कोटी रूपयांच्या कामे पूर्ण केली असल्याचे सांगत उर्जामंत्री म्हणाले, वीज वहन क्षमता सक्षम करण्यासाठी जिल्हाभरात 197 कोटी रूपयांचे कामांचे भुमीपूजन करण्यात येत आहे. जिल्ह्याच्या संपूर्ण गरजेसाठी अजूनही 345 कोटी रूपयांची गरज आहे. राज्यात गेल्या दोन वर्षात 3 लाख वीज जोडण्या देण्यात आल्या आहेत. अजूनही प्रलंबित कृषी वीज पंप वीज जोडण्यांचा अनुशेष दूर केल्या जात आहे. ज्या ग्रामपंचायत किंवा नगर पालिकेला स्वतंत्र लाईनमन पाहिजे असल्यास गावातीलच आयटीआय, तंत्रनिकेतनमधून इलेक्ट्रिक क्षेत्राशी निगडीत ट्रेड झालेल्या मुलाला वीज व्यवस्थापक म्हणून घेता येणार आहे. त्याला नऊ रुपये प्रति घराप्रमाणे पैसे देण्यात येणार आहे. तसेच लाईनमन आपल्या कार्यक्षेत्रातील पोलवर अन्य व्यक्तीला काम करायला लावत असल्याच्या तक्रारी येत आहेत. अशा प्रकरणांमध्ये जर सदर व्यक्ती पोलवर चढून अपघात झाल्यास त्या व्यक्तीच्या सदोष मनुष्यवधाचा गुन्हा संबंधीत लाईनमनवर दाखल करण्यात येणार आहे. 
ते पुढे म्हणाले, केंद्र शासनाने गौरविलेले महावितरणचे मोबाईल ॲप आपण विकसित केले आहे. या ॲप्सद्वारे मीटर रिडींग, बिलींगसंदर्भातील तक्रारी येत नाहीत. महिन्याच्या 30 तारखेला आपल्या मीटरच्या रिडींगचा फोटो काढून ॲप्सवर अपलोड केल्यास प्रत्यक्षात असलेल्या रिडींगचेच देयक येईल. देयक अदा करण्याची सुविधाही या ॲप्सवर आहे. त्यामुळे या ॲप्सचा अधिकाधिक उपयोग नागरिकांनी करावा. चांगले काम करण्याच्या सरकार पाठीशी असून कामचूकारपणा करणाऱ्यांवर कारवाई करण्यासही शासन मागे-पुढे पाहणार नाही, असेही त्यांनी यावेळी सांगितले.
यावेळी मुख्य अभियंता अरविंद भादीकर यांनी प्रास्ताविक केले. आमदार हर्षवर्धन सपकाळ यांनी बुलडाणा विधानसभा मतदारसंघातील ग्राम सभेच्या माध्यमातून तयार केलेल्या वीज यंत्रणेच्या सक्षमीकरणाच्या आराखड्यानुसार काम करण्याची मागणी केली. रविकांत तुपकर म्हणाले, वीज वितरण, पारेषण व निर्मिती या तिन्ही बाबींवर शासन भक्कमपणे कार्य करीत आहे. शेतकरी वर्गाच्या वीज विषयक समस्या सोडविण्यात येत आहेत. आमदार शशीकांत खेडेकर यांनीही यावेळी विचार व्यक्त केले. कार्यक्रमाच्या सुरूवातीला प्रातिनिधीक स्वरूपात उर्जामंत्री यांनी कुदळ मारून भूमीपुजन केले. तसेच कोनशिलांचे अनावरण केले.
संचलन सहायक अभियंता गणेश बंगाळे यांनी केले. कार्यक्रमाला अधिक्षक अभियंता श्री. कडाळे, कार्यकारी अभियंता, सहायक अभियंता, कनिष्ठ अभियंता, उपअभियंता, शाखा अभियंता, लोकप्रतिनिधी, महावितरचे कर्मचारी, जनसंपर्क अधिकारी श्री आडे, आदींसह नागरिकांची उपस्थिती होती.
33 के.व्ही उपकेंद्रांचे भूमीपुजन व लोकार्पण
लोकार्पण झालेली 33 के.व्ही उपकेंद्र : इसरूळ ता. चिखली, शेंदूर्जन ता. दे.राजा, जांभूळधाबा ता. मलकापूर, ढोरपगांव ता. खामगांव, पिंपळगांव उंडा ता. मेहकर, कळंबेश्वर ता. मेहकर, भालेगांव ता. मेहकर, नारायणखेड ता. दे.राजा, उमापूर ता. जळगांव जामोद, वाघजळ ता. मोताळा, पळशी बु ता. खामगांव, महारखेड ता. सिंदखेड राजा.
भूमीपुजन झालेली 33 के.व्ही उपकेंद्र : सोयगांव ता. बुलडाणा, पेठ ता. चिखली, उंद्री ता. चिखली, देऊळगांव साकर्षा ता. मेहकर, लाखनवाडा ता. खामगांव, हरसोडा ता. मलकापूर, नारखेड ता. नांदुरा, करमोडा ता. जळगांव जामोद, खामगांव (वाडी) ता. खामगांव, मेहकर ता. मेहकर, जळगांव जामोद. या सर्व उपकेंद्रांचे एकाचवेळी भूमीपुजन व लोकार्पण करण्यात आले.
जनतेच्या तक्रारींवर तात्काळ निर्णय
उर्जामंत्री चंद्रशेखर बावनकुळे यांनी कार्यक्रमानंतर जनतेच्या तक्रारींचा निपटारा करण्यासाठी जनतेशी थेट संवाद साधला. यावेळी नागरिकांनी लेखी स्वरूपात दिलेल्या तक्रारींवर तात्काळ निर्णय घेण्यात आले. कृषी पंप वीज जोडणी, घरगुती वीज जोडणी, शेतात पोल टाकणे, वीज देयका संदर्भातील तक्रारी, निकृष्ट कामे आदींबाबतीत प्राप्त तक्रारींवर निर्णय घेण्यात आले. याप्रसंगी त्यांनी अधिकाऱ्यांवर कारवाई करण्याचे निर्देश दिले आणि वीजेसंदर्भातील तक्रारी असल्यास 9096525512 या क्रमांकावर एसएमएस करण्याचे आवाहन केले.

केंद्रीय गृहमंत्री राजनाथ सिंह ने शहीद जवानों को दी श्रद्धांजलि

सुकमा के बुरकापाल में नक्सली हमले में शहीद हुए 25 जवानों को श्रद्धा सुमन अर्पित करने आज केंद्रीय गृहराज्य मंत्री राजनाथ सिंह रायपुर पहुंचे..। जबलपुर से राजनाथ सिंह एयरफोर्स के हेलीकॉप्टर से राजधानी पहुंचे और सीधे माना बटालियन कैंप पहुंचे.. जहां उन्होंने शहीद जवानों को श्रद्धांजलि दी..। इस दौरान छत्तीसगढ़ के राज्यपाल बलरामदासजी टंडन, मुख्यमंत्री रमन सिंह समेत छत्तीसगढ़ के कई कैबिनेट मंत्री और पुलिस और सीआरपीएफ के आला अधिकारी मौजूद रहे..।


इन जवानों की हुई शहादत
1. इंस्पेक्टर रघुवीर सिंह, पंजाब

2. एसआई- केके दास, प.बंगाल
3. एएसआई- संजय कुमार, हिमाचल 
4. एएसआई- रामेश्वर लाल, राजस्थान
5. एएसआई – नरेश कुमार, हरियाणा
6. हेड कांस्टेबल- सुरेंद्र कुमार, हिमाचल
7. हेड कांस्टेबल- बन्नाराम, राजस्थान
8. हेडकांस्टेबल- केपी सिंह, उत्तर प्रदेश
9. हेडकांस्टेबल- नरेश यादव, बिहार
10. हेडकांस्टेबल- पद्मनाभन, तमिलनाडु
11. कॉन्स्टेबल- सौरभ कुमार, बिहार
12. कॉन्स्टेबल- अभय मिश्रा, बिहार
13. कॉन्स्टेबल- बनमाली राम, छत्तीसगढ़
14. कॉन्स्टेबल-एनपी सोनकर, मध्यप्रदेश 
15. कॉन्स्टेबल-केके पांडे, बिहार
16. कॉन्स्टेबल-विनय चंद्र बर्मन, प. बंगाल
17. कॉन्स्टेबल-पी अलगु पांडी, तमिलनाडु
18. कॉन्स्टेबल- अभय कुमार, बिहार
19. कॉन्स्टेबल- सेंथिल कुमार, तमिलनाडु
20. कॉन्स्टेबल-एन तिरुमुरगन, तमिलनाडु
21. कॉन्स्टेबल- रंजीत कुमार, बिहार
22. कॉन्स्टेबल- आशीष सिंह, झारखण्ड
23. कॉन्स्टेबल- मनोज कुमार, उत्तर प्रदेश
24. कॉन्स्टेबल- अनूप कर्मकार, प. बंगाल
25. कॉन्स्टेबल- राममेहर, हरियाणा

साध्वी प्रज्ञा ठाकुर को मिली जमानत, पुरोहित की याचिका खारिज-साध्वी प्रज्ञा ठाकुर को अपना पासपोर्ट एनआईए को सौंपने का आदेश




मालेगांव ब्लास्ट केस में बॉम्बे हाई कोर्ट ने साध्वी प्रज्ञा सिंह ठाकुर को शर्तों के साथ जमानत दे दी है. जबकि कर्नल प्रसाद पुरोहित को जमानत याचिका खारिज कर दी है.
कोर्ट ने प्रज्ञा ठाकुर को अपना पासपोर्ट एनआईए को सौंपने का आदेश दिया है. साथ ही उन्हें निर्देश दिया गया है कि वो जांच एजेंसियों को सहयोग दें और गवाहों को प्रभावित करने की कोशिश न करें. उन्हें ट्रायल कोर्ट की पेशी में मौजूद रहने की शर्त के साथ जमानत मिली है.

तुर खरेदी विषयावर आमदार बच्चू कडू व शेतक-यांनी विभागीय आयुक्त कार्यालय मध्ये मांडला ठिय्या






तुर खरेदी विषयावर 
आमदार बच्चू कडू व शेतक-यांनी विभागीय आयुक्त कार्यालय, अमरावती आंदोलन सुरू केले आहे.

अवजारे, यंत्रांसाठी अर्ज सदर करण्याचे आवाहन

महेन्द्र महाजन जैन / रिसोड

वाशिम,  :  जिल्ह्यामध्ये सन २०१७-१८ या वर्षात उन्नत शेती, समृद्ध शेतकरी अभियान राबविण्यात येत आहे. या अभियानांतर्गत कृषी यांत्रिकीकरणासाठी अनुदानावर अवजारे, यंत्रे देण्यात येणार आहेत. तरी इच्छुकांनी विहित नमुन्यातील अर्ज संबंधित तालुका कृषी अधिकारी यांच्याकडे दि. १५ मे २०१७ पर्यंत सादर करावेत, असे जिल्हा अधीक्षक कृषी अधिकारी यांनी कळविले आहे.

अनुसूचित जाती, अनुसूचित जमाती, अल्प, अत्यल्पभूधारक शेतकरी व महिला लाभार्थी यांना ट्रॅक्टरकरिता १,२५,००० रुपये, कल्टीव्हेटरसाठी ४४,००० रुपये, रोटाव्हेटरसाठी ६३,००० रुपये, सीड ड्रीलसाठी ४४,००० रुपये, सीड काम फर्टिलायझर ड्रीलसाठी ४४,००० रुपये, वीडर (पी. टी. ओ. ऑपरेटेड) साठी ६३,००० रुपये, थ्रेशरसाठी ६३,००० रुपये, ट्रॅक्टर माउंटेड-ऑपरेटेड स्प्रेयरसाठी ६३,००० हजार रुपये, मिनी दालमिलसाठी १,५०,००० रुपये, पॅकिंग मशीनसाठी १,५०,००० रुपये, ग्राईंडरसाठी ४४,००० रुपये, पल्वराइजरसाठी ४४,००० रुपये, पॉलिशरसाठी ४४,००० रुपये पर्यंत अनुदान देण्यात येईल.

इतर प्रवर्गातील लाभार्थींना ट्रॅक्टरकरिता १,००,००० रुपये, कल्टीव्हेटरसाठी ३५,००० रुपये, रोटाव्हेटरसाठी ५०,००० रुपये, सीड ड्रीलसाठी ३५,००० रुपये, सीड काम फर्टिलायझर ड्रीलसाठी ३५,००० रुपये, वीडर (पी. टी. ओ. ऑपरेटेड) साठी ५०,००० रुपये, थ्रेशरसाठी ५०,००० रुपये, ट्रॅक्टर माउंटेड, ऑपरेटेड स्प्रेयरसाठी ५०,००० हजार रुपये, मिनी दालमिलसाठी १,२५,००० रुपये, पॅकिंग मशीनसाठी १,२५,००० रुपये, ग्राईंडरसाठी ३५,००० रुपये, पल्वराइजरसाठी ३५,००० रुपये, पॉलिशरसाठी ३५,००० रुपये पर्यंत अनुदान देण्यात येईल.

प्रत्येक अवजार, यंत्रासाठी शेतकऱ्यांनी स्वतंत्र्य अर्ज करणे आवश्यक आहे. तथापि ज्या अवजारास जास्तीत जास्त अनुदान देय आहे, त्या एकास यंत्र, अवजारास अनुदान दिले जाईल. लाभार्थी निवड तालुका हा घटक मानून जिल्हास्तरावर करण्यात येईल. अर्जाचा विहित नमुना तालुका कृषी अधिकारी कार्यालयात अथवाwww.krishi.maharashtra.gov.inया कृषी विभागाचे संकेतस्थळावर उपलब्ध आहे. अनुदानाची रक्कम लाभार्थींच्या आधार सलंग्न बँक खात्यामध्ये थेट जमा केली जाईल. तरी जिल्ह्यातील जास्तीत जास्त शेतकरी बांधवांनी या योजनेसाठी अर्ज सादर करावेत, असे जिल्हा अधीक्षक कृषी अधिकारी यांनी कळविले आहे

Monday, April 24, 2017

सुसंस्कारातच यशाचे बीजारोपण :- ह.भ.प.कविताताई वेणुरकर


महेन्द्र महाजन जैन / रिसोड




मालेगांव :- व्यक्ति कोणत्या जाती धर्मात जन्माला आला याला महत्व नसुन त्यावर सुसंस्कार झाले का ? हे महत्वाचे आहे पैसा कितीही कमावला परंतु संस्काराची शिदोरी नसेल तर तो काहीही कामाचा नाही जीवनात यशस्वीतेसाठी संस्कार हे महत्वाची भुमिका बजावत असतात युवक व युवतीनीे महत्व लक्ष्यात घ्यावे. या कडे कविताताई वेणुरकर यांनी लक्ष वेधले मुलींचे श्रीगुरूदेव सर्वांगीण सुसंस्कार शिबीर शुभारंभ प्रसंगी  बोलत होत्या.
जीवनात यशस्वीतेसाठी संस्काराचे महत्व नाकारता येत नाही असे कविताताई सांगितले सध्या संस्काराचा मोठा अभाव असल्यामुळे विवीध समस्याचा सामना करावा लागत आहे असे ही ताई म्हणाल्या.स्थानिक श्री गुरूदेव सेवाश्रम मुलींनसाठी सुसंस्कार शिबीराचे आयोजन करण्यात आले आहे मुख्य शिक्षिका म्हणून कविताताई वेणुरकर व सह शिक्षीका आश्वीनी केदार यांच्या मार्गदर्शनाखाली सुरू असलेल्या शिबीरामध्ये 75 मुलींचा सहभाग आहे शिबीर दहा दिवस चालणार आहे.
कार्यक्रमाच्या अध्यक्ष स्थानी किन्हीराजा सरपंचा सौ.वेणुबाई जामकर होत्या तर प्रमुख पाहुणे म्हणून किन्हीराजा पोलीस पाटील महादेव तायडे राजेश घुगे सदाशिवराव घुगे विष्णुपंत हरणे हे होते इंदुबाई आफ्रुटकर संपदा इंगळे आशाताई खुरसडे गजानन इंगळे पांडुरंग खुरसडे महादेव हरणे सिताराम जामकर तेजस सोळंके वैजनाथ हवा अोम इंगळे सह ग्रामस्थांची उपस्थिती होती.

सूचना

विदर्भ24न्यूज़ पोर्टल को बेहतर बनाने में सहायता करें और किसी खबर या अंश मे कोई गलती हो या सूचना / तथ्य में कोई कमी हो अथवा कोई कॉपीराइट आपत्ति हो तो वह s9421719953@gmail.com / 9421719953 पर संपर्क करें। साथ ही साथ पूरी जानकारी तथ्य के साथ दें। जिससे आलेख को सही किया जा सके या हटाया जा सके

Bulk SMS

1

1
 
Copyright © 2014 Vidarbha Latest News विदर्भ24न्यूज Amravati Letest News. Template Designed by Vidarbha24news - या इंटरनेट न्यूज चॅनेल तथा ऑनलाईन वेब पोर्टलमध्ये प्रसिध्द झालेल्या बातम्या आणि लेखामधून व्यक्त झालेल्या मतांशी संपादक / संचालक सहमत असतीलच असे नाही.