BREAKING NEWS

Bulk SMS

सूचना

'विदर्भ24न्यूज' मधील मजकूर आपण 'Vidarbha24News' च्या उल्लेखासह पुनर्मुद्रित केल्यास आम्हाला आनंदच वाटेल.

Saturday, March 25, 2017

जिल्हाधिकारी कार्यालयावर धडकला बहूजन क्रांती मोर्चा

जिल्हा प्रतिनिधी / महेंद्र महाजन जैन 





वाशीम - ‘एकच पर्व बहूजन सर्व’ चा नारा देत बहूजन समाज घटकातील लोकांच्या विविध मागण्यांसाठी आज दि. 25 मार्च रोजी बहूजन क्रांती मोर्चा जिल्हाधिकारी कार्यालयावर धडकला. या तालुकास्तरीय मोर्चाचे आयोजन बहूजन क्रांती मोर्चाच्या संयोजन समितीने केले होते. विविध समाजघटकातील 45 सामाजीक संघटनांच्या सहकायाृतून हा मोर्चा निघाला.
    जूनी जिल्हा परिषदेच्या जिल्हा ग्रामीण विकास यंत्रणेच्या कार्यालयासमोरील मैदानावरुन हा मोर्चा अकोला नाका मार्गे जिल्हाधिकारी कार्यालयावर धडकला. उन्हाच्या तिव्रतेमुळे या मोर्चात पुरुष मंडळी मोटरसायकलवरुन तर महिला मंडळी ऍटोच्या सहाय्याने मोर्चात मार्गस्थ झाले. सदर मोर्चा जिल्हाधिकारी कार्यालयासमोर गेल्यानंतर मोर्चाचे सभेत रुपांतर झाले. यावेळी डॉ. अनिल माने यांनी मोर्चेकरुंना संबोधीत केले. बहूजन क्रांती मोर्चाचे जिल्हा संयोजक डॉ. रवी जाधव यांनी मोर्चाच्या आयोजनामागील भूमिका विषद केली. याप्रसंगी विविध संघटनांचे प्रतिनिधी, संजय वैरागडे, गजानन धामणे, सुभाष देवहंस, शरद कांबळे, धनंजय कांबळे, प्रा. संघर्षीत भदरगे, संजय पडघान आदींनी मनोगत व्यक्त केले. यावेळी 27 मागण्यांचे निवेदन जिल्हाधिकारी यांच्यामार्ङ्गत राष्ट्रपती व प्रधानमंत्री यांना पाठविण्यात आले.
    त्यामध्ये, ऍट्रॉसिटी कायद्याची प्रभावी अंमलबजावणी करण्यात यावी तसेच ऍट्रॉसिटी ऍक्ट साठी स्वतंत्र जिल्हानिहाय जलदगती न्यायालय व स्वतंत्र यंत्रणा करुन सहा महिन्यात खटल्याचा निपटारा करण्यात यावा. हिंगोली जिल्हयातील बळसोंड (आनंदनगर) येथील अनुसुचित जातीच्या महिलेवर झालेल्या अत्याचाराचा खटला जलदगती न्यायालयात चालवून दोषींना कठोरात कठोर शिक्षा करण्यात यावी व पिडीतांना संरक्षण देवून न्याय देण्यात यावा.लोकशाही मजबूत करण्यासाठी सार्वत्रिक निवडणूका पारदर्शी व्हाव्यात म्हणून बॅलेट पेपरचाच वापर करण्यात यावा. इव्हीएम व्दारे निवडणूक आयोगाच्या माध्यमातुन भारतीय लोकशाहीवर बलात्कार तथा मानवाधिकाराचे उल्लंघन तात्काळ बंद करुन निवडणूक आयोगावर कारवाई करण्यात यावा. जिल्हानिहाय उर्दू आयटीआय व उर्दू सैनिक शाळा निर्माण करण्यात याव्यात. गोरगरीबांसाठी कर्ज वितरणाच्या जाचक अटी शिथील करुन कर्जपुरवठा करावा. याप्रमाणे उद्योगपतींना (रु. 48 हजार कोटी) कर्जमाङ्गी देण्यात आली त्याचप्रमाणे शेतकर्‍यांना सुध्दा कर्जमाङ्गी देण्यात यावी. तसेच शेतीमालाला हमीभाव देण्यात यावा तसेच शेतीसाठी स्वतंत्र अर्थसंकल्पाची तरतूद करण्यात यावी. 2005 पासून नियुक्त करण्यात आलेल्या कर्मचार्‍यांना जुनीच पेन्शन योजना लागू करण्यात यावी. भूमिहीनांना शासकीय जमिनीचे वाटप करण्यात यावी. महिला स्वयंसहायता बचत गटांना 50 टक्के अनुदान व 10 लाख पर्यत कर्जाचे वाटप करण्यात यावे. ग्रामपातळीवर सेवा देणारे कर्मचारी, अंगणवाडी सेविका, शालेय पोषण आहार कामगार, ग्रामपंचायत शिपाई, रोजगार सेवक, आशासेविका, कोतवाल यांना किमान वेतन कायद्यानुसार वेतन देण्यात यावे. यासह 27 मागण्यांचा समावेश होता.
    या निवेदनात म्हटले आहे की, भारताला स्वातंत्र्य मिळून 68 वर्षे पुर्ण झाली. या 68 वर्षात बहूजन (ओबीसी, एस.सी., एस.टी, व्ही.जे.एन.टी, डी.एन.टी, बलुतेदार, मुस्लिम, ख्रिश्‍चन, बौध्द, लिंगायत, शिख, जैन) समाजातील समस्या  व अत्याचार कमी होण्याऐवजी दिवसेंदिवस वाढत आहेत. हे प्रमाण थांबविण्यासाठी व मागण्यांची पुर्तता करण्यासाठी मोर्चा काढण्यात आल्याचे नमूद करण्यात आले आहे. मागण्यांचे निवेदन मोर्चाच्या वतीने डॉ. रवी जाधव, गजानन धामणे, संजय वैरागडे, मंगल इंगोले, अशोक पखाले, सुभाष देवहंस, संजय पडघान, जनाबाई गायकवाड, गिताबाई कांबळे, मनकर्णाबाई भालेराव, सुमनबाई भालेराव, नंदाबाई कांबळे, रेखाबाई गुडदे आदींच्या शिष्टमंडळाने निवासी उपजिल्हाधिकारी यांना सादर केले. यावेळी जिल्हाधिकारी कार्यालयासमोर इव्हएम मशीन हटवून बॅलेट पेपरव्दारे निवडणूका लढविण्याच्या मागणीसाठी तीन दिवसीय धरणे आंदोलनाला सुरुवात करण्यात आली. ही मागणी मोर्चाच्या माध्यमातून जोरकसपणे मांडण्यात आली आहे. मोर्चात हिरवे, भगवे, निळे, पांढरे असे विविध प्रकारचे झेंडे आणण्यात आले होते. मोर्चादरम्यान चोख पोलीस बंदोबस्त ठेवण्यात आला होता.

पथनाट्यातून साकारले पाणी बचत व मुलगी वाचवाचे वास्तव चित्रण


जिल्हा प्रतिनिधी :- महेंद्र महाजन जैन






वाशीम - भविष्यात उद्भवणारी पाणीटंचाईची दाहकता तसेच मुलींचा जन्मदर वाढविण्याची गरज पथनाट्याव्दारे सादर करुन वाशीम येथील नॅझरीन नर्सिग कॉलेजच्या विद्यार्थीनींनी अप्रतिम कला सादर केली. 23 मार्च रोजी तालुक्यातील सुरकंडी येथे जागृती सेवा केंद्र व ग्रामस्थांच्या वतीने वार्म मिशन अंतर्गत समारोपीय कार्यक्रम आयोजीत करण्यात आला होत. यावेळी सदर विद्यार्थीनींनी आपल्या कलेचा अविष्कार घडविला.   
    जागृती सेवा केंद्राच्या वतीने पंचाळा गट ग्रामपंचायत मधील पंचाळा, सुरकंडी खुर्द, सुरकंडी बु, मोहगव्हाण या गावांमध्ये पाणी वाचवा, मुलगी वाचवा, शेती व शेतकरी कसा समृध्द होईल याबाबत वार्म मिशन राबविले गेले. या मिशनचा समारोपीय कार्यक्रम सुरकंडी येथे पार पडला. या कार्यक्रमाच्या अध्यक्षस्थानी माजी पोलीस पाटील पुंजाजी भोयर हेाते. यावेळी प्रमुख मार्गदर्शक म्हणून सेसचे समाजविकास अधिकारी मुकुंद देशमुख होते. यावेळी मंचावर सरपंचा सौ. सुरेखा डुबे, नॅझरीन नर्सिग कॉलेजच्या प्राचार्या रजुला, शिक्षीका कॅरोलीन, संभाजी ब्रिगेडचे जिल्हाध्यक्ष गजानन भोयर, सतिश डुबे, ईमाम दर्गीवाले, तंटामुक्ती अध्यक्ष उस्मान भवानीवाले, मुख्याध्यापक ताकवाले, पिरुभाई बेनिवाले, जागृती सेवा केंद्राच्या अर्शलता डिसुजा आदी उपस्थित होते. यावेळी देशमुख यांनी गावाच्या विकासाच्या दृष्टीने करावयाच्या उपाययोजनांबाबत मार्गदर्शन केले.
    यावेळी नॅझरीन नर्सिग कॉलेजच्या विद्यार्थीनींनी विविध प्रकारचे पथनाट्य बहारदारपणे सादर करुन भविष्यात पाणीटंचाई किती उग्र रुप धारण करु शकते याची प्रचिती गावकर्‍यांसमोर मांडली. तसेच मुलींना वाचविण्याची गरज नाटकाव्दारे सादर करुन उपस्थितांच्या डोळ्यात अश्रू आणले. या विद्यार्थीनींनी तब्बल दोन तास गावकर्‍यांना खिळवून ठेवले. यावेळी जागृती सेवा केंद्राच्या अर्शलता यांनी गावात निस्वार्थपणे राबवि लेल्या जाणार्‍या मिशनची माहिती दिली. पथनाट्य सादरीकरणाचे सुत्रसंचालन खुशबु गुल्हाने या विद्यार्थीनीने केले तर एकूण कार्यक्रमाचे सुत्रसंचालन सत्यशोधक समाजाचे जिल्हाध्यक्ष गजानन धामणे यांनी केले. कार्यक्रमाचे आभार गजानन भोयर यांनी मानले. यावेळी गावातील जि.प. शाळा डिजीटल करण्यासाठी लोकवर्गणीचे आवाहन करण्यात आले. या आवाहनाला गावकर्‍यांनी उत्तम प्रतिसाद देत लोकवर्गणी जाहीर केली. या कार्यक्रमाला शेकडो नागरीक उपस्थित होते.

महाराष्ट्र राज्य प्रदेश मंचच्या उपाध्यक्ष पदी रूपाली बुले यांची निवड

श्री प्रमोद नैकेले / अचलपूर /-
 अचलपूर परतवाडा या जुळ्या शहरातील विश्वरूमप साप्ताहिकाच्या संपादिका रूपाली बुले यांची अखील भारतीय ग्रमिण पत्रकार संघ महिला प्रदेश उपाध्यक्ष पदी निवड झाली.त्या जनकल्याण बहुउद्देशीय संस्था परतवाडा येथे कार्य करतात जुळ्या शहरातील महिला पत्रकार म्हणुन कार्य करतांना विविध सामाजिक संस्थेसोबत सामाजिक कार्यात त्या सहभागी होतात.अखील भारतीय ग्रामीण पत्रकार संघ महिला प्रदेश मंच महिलांच्या समस्येवर कार्य करत असून रूपाली बुले यांच्या कडून या कार्याला गती मिळेल अश्या शब्दांत शहरातील ललित कांबळे तालुका अध्यक्ष,फिरोजखान अध्यक्ष अचलपूर पत्रकार संघ,मो.अझरूद्दीन सचिव,सुनिल देशपांडे,विलास थोरात,नितेश किल्लेदार,राजेंद्र शर्मा,राजेश डांगे व इतर पत्रकार सदस्यांनी अभिनंदन केले.

कैलाश मानसरोवर पर हिंदू समाज को दिये गए 1 लाख रूपये अनुदान के निर्णय का हिंदू महासभा (युवा मोर्चा) ने किया स्वागत



उत्तर प्रदेश व इस देश के सब से लोकप्रिय मुख्यमंत्री श्री योगी आदित्यनाथ जी गौरखपुर धाम के महंत है ।।।।
गौरखनाथ मठ का सक्रीय संबद्ध हिन्दुत्व की  राजनैतिक रूप से 1969 से शुरू है।
जब गौरखनाथ मठ के मंहत श्रधेय श्री दिग्विजय नाथ जी को सर्व संमती से अखिल भारत हिंदू महासभा  के राष्ट्रीय अध्यक्ष के रूप मैं चुना गया था तभी से गौरखनाथ मठ से सदासर्वदा के लिए हिंदू महासभा के साथ पारीवारिक रिश्ता जुड़ गया था।


मंहत अवैद्यनाथ से लेके आज के योगी आदित्यनाथ जी भी हिंदू महासभा के ही परिवार से संबद्धित है जिस का हिंदू महासभा(युवा मोर्चा) के राष्ट्रीय अध्यक्ष श्री निखिल वर्मा जी ने स्वागत व अभिनंदन किया है ।।
और आने वाले समय मैं जो भारत की राजनीती मैं तृष्टीकरण का समीकरण भी बदलने के पुर्णतः आसार है जिस से राष्ट्र की अखंडता को पुर्णतः शक्ती प्रदान होंगी और आने वाले स्वर्णित भारत के भावी प्रधानमंत्री के रूप मैं योगी आदित्यनाथ जी ही होंगे ऐसा विश्वास हिंदू महासभा(युवा मोर्चा) के राष्ट्रीय अध्यक्ष निखिल वर्मा ने देश के समस्त राष्ट्रभक्तो को दिया है ।।

ग्रामसेसक एसीबी च्या जाळ्यात - वर्क ऑर्डरसाठी 2000 हजार रुपये लाचेची मागणी

जिल्हा प्रतिनिधि / महेन्द्र महाजन वाशिम-

वाशिम जिल्ह्यातील मालेगाव पंचायत समिती अंतर्गत येणाऱ्या बोराळा जहागीर येथील ग्रामसेवकाने सहस्त्र विहिरीच्या तांत्रिक मान्यतासह वर्क ऑर्डरसाठी 2000 हजार रुपये लाचेची  मागणी केल्यावरून ए सीबी ने ग्रामसेवक भगवान सखाराम भिसडे यांना 25 मार्चला लाच स्वीकारताना रंगेहात अटक केली
शिरपूर पोलीस स्टेशन अंतर्गत येणाऱ्या बोराळा येथील एका शेतकऱ्याच्या पत्नीने 20 मार्चला लाचलुचपत प्रतिबंधक विभागाकडे भगवान सखाराम भिसडे वय 56 वर्ष  ग्रामसेवक बोराळा जहागीर ता मालेगाव जिल्हा वाशिम यांनी पतीला सहस्त्र मंजूर विहिरींच्या तांत्रिक मान्यतेसह वर्क ऑर्डर काढण्यासाठी   18 मार्च ला भ्रमण ध्वनीद्वारे 2000 रुपये लाचेची मागणी केली असल्याची तक्रार  लाच लुचपात प्रतिबंधक विभागाकडे केली  24 मार्चला  अधिकाऱयांनी पंचासमक्ष बोराळा येथे जाऊन पडताळणी केली असता त्यावेळी 25 मार्चला बोराळा येथील गजानन जटाळे यांच्या घरी 2000 रुपये लाच देण्याचे ठरले  25 मार्चला भगवान भिसडे यांना लाच स्वीकारताना  लुचपात प्रतिबंधक विभागाने रंगेहात अटक केली  आलोसे विरुद्ध शिरपूर पोलीस स्टेशन मध्ये कलम7,12,13, (1)सह कलाम 13(1) लाचलुचपत प्रतिबंधक कायदा 1988  अन्वये कार्यवाही करण्यात आली
सदर कार्यवाही पोलीस अधीक्षक महेश चिमटे,अप्पर पोलीस अधीक्षक विलास देशमुख,अप्पर पोलीस अधिक्षक श्रीमती  नाशिकर, पोलीस उपधिक्ष व्ही  गांगुर्डे यांच्या मार्गदर्शना खाली पोलीस निरीक्षक ए जी रुईकर,पोलीस जमादार भगवान गावंडे,विनोद सुर्वे सुनील पुंडे आदींनी केली

सर्वाधिक रक्कमेच्या विद्युत बिलाचा भरणा करणारे मुख्याधिकारी पांडे यांचा सत्कार

जिल्हा प्रतिनिधि /  महेंद्र महाजन जैन -

वाशिम जिल्ह्यात सर्वाधिक 29 लाख 70 हजार रूपये एवढा मोठ्या रक्कमेचा विजबिलाचा भरणा करणा-या मालेगांव नगरपंचायतचे मुख्याधिकारी श्री गणेश पांडे यांच्या महाराष्ट्र विद्युत वितरण कंपनी उपविभाग मालेगांव च्या वतीने सत्कार करण्यात आला. व विद्युत बिलाची रक्कम एक रक्कमी भरुन विद्युत वितरण कंम्पनीला सहकार्य केल्या बद्दल नगरपंचायतचे आभार मानले आहे मालेगांव नगरपंचायत कडे महाराष्ट्र राज्य विद्युत वितरण कंपनी विद्युत बिलाची रक्कम बाकी असतांना मालेगांव नगरपंचायतने पाणी पुरवठा योजना तसेच शहरातील स्ट्रीट लाइट विद्युत बिलाचा भरणा विद्युत विभागाकडे केला आहे त्यामध्ये 7 लक्ष रूपये व 23 मार्चला 22 लक्ष 70 हजार रूपये असे एकुन 29 लक्ष 70 हजार रूपये विद्युत बिलाचा भरणा नगर पंचायतने केला आहे एवठ्या मोठ्या प्रमाणात रक्कम भरणारी जिल्हातील एकमेव नगरपंचायत असावी. उपकार्यकारी अभियंता राजेश चव्हाण यांनी माहीती देतांना अधीक्षक अभियंता बनसोड साहेब कार्यकारी अभियंता मेश्राम साहेब यांच्या मार्गदर्शनाखाली व पाठपुराव्यात विद्युत वितरण कंपनीची विज बील वसूली सुरू असतांना एवढा मोठ्या रक्कमेचा भरणाकरून नगरपंचायत मालेगांव ने सहकार्य केले असल्याचे त्यांनी सांगितले आहे.

आधार जोडणी न केल्यास डिसेंबरनंतर पॅन क्रमांक होणार अवैध...

जिल्हा प्रतिनिधि :- महेंद्र महाजन जैन 
-
येत्या 31 डिसेंबरनंतर पॅन कार्ड क्रमांकास आधार क्रमांक जोडणे बंधनकारक करण्याचा विचार केंद्र सरकार करीत आहे. या जोडणी अभावी तुमचा पॅन क्रमांकच अवैध ठरू शकतो.आधार विस्तार व्यापक करण्यासाठी केंद्र सरकार हे पाऊल उचलत आहे.सूत्रांनी सांगितले की, सध्या सर्व करदात्यांना तसेच प्राप्तीकर विवरण पत्र दाखल करणाऱ्यांना पॅन क्रमांक बंधनकारक आहे. ओळखीचा पुरावा म्हणूनही अनेक जणांकडून पॅनकार्डचा वापर केला जातो.तथापि, सरकारच्या म्हणण्या नुसार, अनेक पॅन कार्डे खोटी व बोगस माहिती देऊन मिळविण्यात आली आहेत. आधार कार्ड जोडणी केल्यास बनावट पॅन क्रमांक आपोआप रद्द होतील. डिसेंबरनंतर ती अवैध ठरविण्याचा सरकारचा विचार आहे.एका वरिष्ठ अधिकाऱ्याने नाव न छापण्याच्या अटीवर सांगितले की, पॅनला आधारशी जोडण्यासाठी सरकारने 31 डिसेंबर ही तात्पुरती अंतिम तारीख ठरविली आहे. या वर्ष अखेरपर्यंत आधार नोंदणी पूर्ण होण्याची शक्यता आहे. त्यामुळे ही तारीख ठरविण्यात आली आहे. सूत्रांनी सांगितले की, आज घडीला 1.08 अब्ज भारतीयांनी आधार नोंदणी केली आहे. स्टेंट बँक आॅफ इंडियाचे मुख्य समूह आर्थिक सल्लागार सौम्य कांती घोष यांनी सांगितले की, 98 टक्के प्रौढ नागरिकांकडे आधार कार्ड असल्याचा अंदाज आहे. त्यामुळे या वर्ष अखेरची मुदत व्यवहार्य ठरते.

डिएसपी श्रेणीच्या पोलीस अधिकारांना सभेला पाठवा - जिल्हाधिकारी श्री किरण गित्ते यांचे पोलीसांना स्पष्ट आदेश. जिल्हा अ‍ॅट्रासिटी समितीची आढावा सभा


चांदूर रेल्वे / शहेजाद खान /-


अनुसूचित जाती-जमाती वरील अत्याचारांची त्वरीत दखल घेऊन त्यांना त्वरीत न्याय मिळवून देण्यासाठी
अ‍ॅट्रासिटी कायद्याची निर्मिती केली. मात्र या गंभीर प्रकरणाची चौकशी करून ते न्यायालयात दाखल
करण्यात पोलीस हयगय करतात. तसेच जिल्ह्याच्या अत्यंत महत्वाच्या अट्रासिटी समितीच्या सभेला
डिएसपी श्रेणीचे अधिकारी हजर न राहता पोलीस उपनिरीक्षकांना पाठवितात याबद्दल जिल्हाधिकारी यांनी
तिव्र नाराजी व्यक्त करून यापूढे अ‍ॅट्रासिटी सभेला डिएसपी श्रेणीच्या अधिकाऱ्यांना  पाठवा असे स्पष्ट निर्देश
पोलीसांना दिले.
जिल्हा दक्षता व नियंत्रण समितीची सभा जिल्हाधिकारी श्री किरण गित्ते यांच्या अध्यक्षतेखाली व अशासकिय
सदस्य अ‍ॅड.पी.एस.खडसे, प्रा.रवींद्र मेंढे, सुरेश स्वर्गे यांच्या प्रमुख उपस्थितीत जिल्हाधिकारी कार्यालयात
संपन्न झाली.समिती सचिव तथा समाज कल्याण सहा.आयुक्त प्राजक्ता इंगळे यांनी १ एप्रिल ते २८फेब्रुवारी
अखेर पर्यंत शहरात २६ व ग्रामीण भागात ९१ असे एकूण  ११७ अ‍ॅट्रासिटीचे गुन्हे जिल्ह्यात झाले. त्यापैकी
९५ अनुसूचित जाती व २२ अनुसूचित जमातीचे आहेत. शहरातील १४ प्रकरणे व ग्रामीण भागातून ४७
प्रकरणे पोलीस तपासावर आहेत.१ एप्रिल २०१६ ते २८ फेब्रवारी २०१७ या ११ महिण्यातील गुन्हाचा
आढावा घेतला असता शहरात २६ व ग्रामीण भागात ९१ गुन्हे असे एकूण  ११७ गुन्हे दाखल झाले. त्यापैकी
६१ प्रकरणे पोलीस तपासावर असुन ५३ प्रकरणे न्यायालयात दाखल तर ३ प्रकरणे पोलीस तपासात
निकाली निघाले आहेत. या कायद्याविषयी येत्या दोन महिण्यात जिल्हास्तरिय कार्यक्रम घ्यावा, गृह
विभागाने पोलीस तपासावरील प्रकरणे जलदगतीने निकाली काढावी,या समितीची बैठक पुन्हा लावुन
त्यामध्ये पोलीस विभागाने प्रकरणनिहाय आढावा घ्यावा अशा सुचना जिल्हाधिकाऱ्याणी  सांगीतले. कटोरा गांधी येथील वानखडे
कुटूंबावर झालेल्या अत्याचारात कुटूंबातील कर्त्या  कमलाबाई वानखडे मृत्युमुखी पडल्या. त्याचे वारस
सावधान वानखडे यांना शासकिय नोकरीत सामावुन घेण्यासाठी समाज कल्याण विभागाच्या
मार्गदर्शनानुसारजिल्हाधिकाऱ्याणी वानखडे यांना आरोग्य खात्यात वार्ड बॉयची नोकरी देण्याबाबत जिल्हा
शल्क चिकित्सक राऊत यांच्याशी भ्रमणध्वनीवरून चर्चा केली. तसे सहाय्यक आयुक्त प्राजक्ता इंगळे यांना
डॉ.राऊत यांच्याशी प्रत्यक्ष चर्चा करून त्यांना सामावुन घेण्याचे सांगीतले. यावेळी पोलीस आयुक्त
कार्यालय,ग्रामीण व शहर पोलीस अधिक्षक कार्यालयाचे पिएसआय बोरकर, पाटील,पवार आणि समाज
कल्याण निरिक्षक बी.आर.राऊत उपस्थित होते.

युनिसेफ अधिका-यांची कच्चेपार गावाला भेट- स्वच्छ भारत मिशनच्या कामाची पाहणी


चंद्रपुर (विशेष प्रतिनिधी)-



सिंदेवाही तालुक्यातील कच्चेपार गावाला नुकतीच ईग्लंड देशातील युनिसेफ़च्या महिला अधिकारी इम्मा हेनरीऒन यांनी भेट दिली असुन, गावाची पाहणी केली. गावात स्वच्छ भारत मिशन अंतर्गत चालु असलेल्या कामाची माहिती जाणुन घेतली. 


गावात विदेशी अधिका-यासह युनिसेफ़ मुंबई कार्यालयाचे वाश स्पेशालिस्ट युसुफ़ कबीर, जयंत देशपांडे, प्रायमो पुणेचे महेश कोडगिरे, उपमुख्य  अधिकारी पांणी व स्वच्छता रविंद्र मोहिते, सिदेवाही  पंचायत समितीचे गटविकास अधिकारी अशोक ईल्लुरकर, सहाय्यक गटविकास अधिकारी शाम बोकडे, स्वच्छ भारत मिशनचे कृष्णकांत खानझोडे, प्रकाश उमक, बंडु हिरवे, साजिद निजामी, पंचायत समिती सिंदेवाहीचे गट समन्वयक मनोज अलोने युनिसेफ़ चमुसह कच्चेपार गावात हजर होते. गावात विदेशातील अधिकारी आल्याचे पाहुन गावक-यांमध्ये आंनदाचे वातावरण  निर्माण झाले होते. आलेल्या विदेशी मान्यवरांचे स्वागत गावांच्या पारंपारीक पध्दतीने करण्यात आले. चमु कडुन गावाची पुर्ण पाहणी करुन गावक-यांशी गावात केलेल्या विकास कामा विषयी चर्चा करुन माहिती जाणुन घेतली. याशिवाय गावातील शाळा,अंगणवाडी, ग्रामपंचायत कार्यालयाची पाहणी केली. गावातील घरी जावुन शौचालय वापर व स्वच्छतेच्या सवयी विषयी माहिती घेण्यात आली.
यादौ-या दरम्यान युनिसेफ़च्या चमुने जिल्हा परिषदला भेट दिली. यावेळी जिल्हा परिषदच्या जनपद सभागृहात छोटे खाणी मिटिंग घेवुन, जिल्हात स्वच्छ भारत मिशन अंतर्गत चालु असलेल्या कामा विषयी व जिल्हा हागणदारी मुक्त करण्याच्या यशस्वी नियोजना विषयी जिल्हा परिषदचे मुख्य कार्यकारी अधिकारी एम.डी.सिह यांनी सादरीकरण करुन चमुला माहिती  दिली. चंद्रपुर जिल्हा यशस्वीपणे हागणदारीमुक्त कडे वाट्चाल करित असल्याचे पाहुन इंग्लंड वरुन आलेल्या अधिका-यांनी जिल्हा परिषदचे कौतुक केले.

यवतमाळ येथे क्रांतिकारक भगतसिंग, राजगुरु, सुखदेव यांना देशप्रेमी संघटनाकडून श्रद्धांजली

यवतमाळ
-

भगतसिंग, राजगुरु, सुखदेव यांच्या बलीदान दिनानिमित्त हिंदु जनजागृती समितीच्या वतीने क्रांतीकारकांविषयी माहिती सांगणार्‍या सचित्र प्रदर्शनाचे आयोजन येथील शहीद चौकात करण्यात आले होते. क्रांतीकारकांनी देशासाठी केलेल्या कार्याविषयीची माहिती वाचून, समाजात राष्ट्राभिमान निर्माण व्हावा, तरुणांना क्रांतीकारकांच्या कार्यातून प्रेरणा मिळावी, या उद्देशाने प्रदर्शन लावण्यात आले होते. या प्रदर्शनाचा लाभ १०० जणांनी घेतला. येथील शहीद चौकात क्रांतीकारकांना अभिवादन करण्यात आले. या वेळी वीर भगतसिंग विद्यार्थी परिषद, अखिल भारतीय विद्यार्थी परिषद, हिंदु जनजागृती समिती या संघटनांचे कार्यकर्ते उपस्थित होते.
क्षणचित्र – अ.भा.वि.प.च्या कार्यकर्त्यांनी उत्स्फूर्तपणे घोषणा देऊन श्रद्धांजली अर्पण केली.

निवडक अभिप्राय

१. क्रांतीकारकांनी मातृभूमीसाठी केलेल्या प्रचंड त्यागाला तोडच नाही. युवकांनी त्यांचे चरित्र वाचून बोध घ्यावा, हा दिवस पाळला, त्यासाठी मी आपला आभारी आहे. – मु.प. वखटे
२. आजचा कार्यक्रम प्रेरणादायी होता. शहिदांनी दाखविलेल्या मार्गाने जाऊन देशासाठी त्याग करण्याची भावना जागृत झाली आहे.
– एन्.जे. लाखाणी

सूचना

विदर्भ24न्यूज़ पोर्टल को बेहतर बनाने में सहायता करें और किसी खबर या अंश मे कोई गलती हो या सूचना / तथ्य में कोई कमी हो अथवा कोई कॉपीराइट आपत्ति हो तो वह s9421719953@gmail.com / 9421719953 पर संपर्क करें। साथ ही साथ पूरी जानकारी तथ्य के साथ दें। जिससे आलेख को सही किया जा सके या हटाया जा सके

1

1
 
Copyright © 2014 Vidarbha Latest News विदर्भ24न्यूज Amravati Letest News. Template Designed by Vidarbha24news - या इंटरनेट न्यूज चॅनेल तथा ऑनलाईन वेब पोर्टलमध्ये प्रसिध्द झालेल्या बातम्या आणि लेखामधून व्यक्त झालेल्या मतांशी संपादक / संचालक सहमत असतीलच असे नाही.